tg-me.com/laeileialanin2/3402
Create:
Last Update:
Last Update:
#جديد
في التوسل بمولانا كريم أهل البيت الإمام الحسن عليه السلام
#فائزي
معروف بابك يالحسن باب الكرامات
وتنتهي يمك سيدي كل المعانات
باب المكارم سيدي الما لحظه مسدود
كلشي يَوجه الباري بيدك والله موجود
يالعندك احلول السمه يا منبع الجود
كلمن يجيك ابحاجته اتگله سهالات
بحر المكارم يا كريم العتره انته
ما يوم همي في وسط دلالي شلته
بس تصعب اعليه بدمع بابك گصدته
دام انته عندي ما أضيع بيوم هيهات
دام انته عندي والله ما تبقى مشاكل
حتمـــاً بعــد لو حلفيتـــك بأبو فاضـل
بلمحة بصر بيد الحسن تگضه المسائل
هوه الوسيله وهوه بس باب السماوات
المظلوم انته بس سند والله للمظلوم
يا خيمة الضايع المِّن الفرح محروم
يا بلسم اجروح المحب يا دوا المهضوم
منِّ البُعد بدموعي ابعثلك سلامات
__
#فاطمة_كريم
٢٠٢٤ م
BY ليالي الأنين الثانية
Warning: Undefined variable $i in /var/www/tg-me/post.php on line 280
Share with your friend now:
tg-me.com/laeileialanin2/3402